i ychwanegu eitem i’ch basged Amserlen.
Mae’r hydref yn amser gwych i ymweld â Sir Fynwy, gan fod y tirwedd yn trawsnewid i liwiau cyfoethog y tymor. O lwybrau cerdded hyfryd drwy Dirwedd Cenedlaethol Dyffryn Gwy i olygfeydd godidog ar draws Parc Cenedlaethol Bannau Brycheiniog, dyma’r amser perffaith i arafu a mwynhau harddwch cefn gwlad.
Cewch brofi blasau’r hydref ym Mhencadlys Bwyd Cymru, gyda Gŵyl Fwyd y Fenni, marchnadoedd nos bwyd stryd a digonedd o leoedd clud i fwyta ac yfed sy’n cynnig bwydlenni tymhorol a chynnyrch lleol. O fwytai cain yn defnyddio’r cynhwysion tymhorol gorau i dafarndai gwledig gyda thanllwyth o dân, mae nifer dibendraw o ffyrdd i fwynhau’r tymor.
Camwch yn ôl mewn amser ac ymchwilio naw castell Sir Fynwy, darganfod safleoedd treftadaeth ac amgueddfeydd neu ymweld â’n theatrau i fwynhau noswaith o gerddoriaeth fyw, theatr a chomedi. Mae’r hydref hefyd yn dod â llwybrau Calan Gaeaf ac ysbrydion, a gall teuluoedd fwynhau hwyl casglu pwmpenni yn un o’n lleiniau pwmpen lleol.
Manteisiwch i’r eithaf ar ddyddiau braf yr hydref drwy fynd am dro mewn coedwigoedd, edrych ar ddail, llwybrau seiclo, gweld bywyd gwyllt a golygfeydd haeddiannol o Instagram. Arhoswch am dipyn a gwneud penwythnos ohoni gyda’n llety unigryw ac amgen. P’un ai’n westy clud yng nghefn gwlad, glampio neu luesty moethus, fe ddewch o hyd i’r lle perffaith i ymlacio a chreu atgofion bythgofiadwy yn yr hydref.
Ar y ffin gyda Lloegr, ac ar groesffordd Tirwedd Cenedlaethol Dyffryn Gwy, Parc Cenedlaethol Bannau Brycheiniog a thirlun diwylliannol Gwastadeddau Gwent, croeso i Sir Fynwy.
