Gwynt y Ddraig a Gwrthdroad Cymylau

Pan fydd y nosweithiau'n mynd yn hirach a'r awyr yn oerach, mae'r dreigiau'n deffro ac yn anfon eu hanadl i lawr dyffrynnoedd ein hafonydd. Mae 'Gwynt y Ddraig' (neu’n fwy ffurfiol, Gwrthdroad Cymylau i’r rhai sy’n llai barddonol) yn olygfa anhygoel, wrth i lawr y dyffryn gael ei garpedu gan gwmwl.

Mae golygfeydd fel hyn yn fudd gwirioneddol o ymweld â Sir Fynwy yn yr hydref a’r gaeaf, gan fod nosweithiau hirach yn caniatáu mwy o amser i'r aer oeri'n agos at y ddaear a chreu'r effeithiau ysblennydd hyn.

Mae bryniau'r Fenni yn lle gwych i weld y ffenomen hon, gan y gallwch ddringo uwchben y niwl ac edrych allan dros fôr o gwmwl, gyda chopaon y bryniau fel ynysoedd wedi’u gorchuddio ag aur, ambr a choch yr hydref.

Mae Gwynt y Ddraig yn fwyaf cyffredin ar lawr ein dyffrynnoedd (Brynbuga a Gwy), gyda golygfannau Dyffryn Gwy, gan gynnwys Nyth yr Eryr, yn lle arbennig o wych i'w weld.