Croeso i Drefynwy

Yn swatio yn rhan isaf Dyffryn Gwy hardd, mae Trefynwy, Tref Wenyn gyntaf y Deyrnas Unedig, wedi bod yn ganolfan i dwristiaeth ers 1780. Yn adnabyddus am ei bont â phorth o’r 13eg ganrif, mae gan Drefynwy orffennol enwog gyda’i chysylltiadau â Harri’r V, Sieffre o Fynwy ac (yn fwy diweddar) Queen, Oasis a Simple Minds a fuodd oll yn recordio yn stiwdio Rockfield. Mae cerddoriaeth yn parhau i fod yn rhan bwysig o DNA’r dref, gyda gŵyl gerdd flynyddol am ddim bob haf.

Mae Trefynwy’n enwog hefyd am ei siopau annibynnol – cofiwch am Bees for Development, Fingal Rock, Atelier Gilmar a Salt and Pepper. Ceir yma fwytai addas i bob chwaeth a digon o gyfle am goffi mewn caffi mewn iard dawel.

Cwestiynau Cyffredin ar Drefynwy

Ai yng Nghymru neu Loegr mae Trefynwy?

• Mae Trefynwy (a Sir Fynwy) yng Nghymru, ar y ffin gyda Lloegr, a chafodd hynny ei sefydlu’n gadarn ers 1974.

Pam mai Trefynwy yw enw’r dref?

• Mae’n sefyll ar lle mae’r Afon Mynwy yn cwrdd â’r Afon Gwy.

A yw enw Saesneg y dref, Monmouth, yn enwog am rywbeth arall?

• Mae’n debyg mai’r enwocaf yw Monmouth County yn New Jersey. Dyma lle cynhaliwyd brwydr hiraf a fwyaf Rhyfel Annibyniaeth America. Roedd hefyd Wrthryfel Monmouth yn y 17eg Ganrif, lle ceisiodd Dug Trefynwy ddymchwel ei ewythr, James II.