Lleoliadau Ffilmio ar gyfer cyfres ‘Sex Education’ Netflix

Gallai rhai sy’n hoff o’r gyfres gomedi boblogaidd Sex Education ar Netflix fod wedi sylwi ar rywbeth ychydig yn gyfarwydd am y golygfeydd, ac mae hynny oherwydd y cafodd llawer ohoni ei ffilmio yn Nyffryn Gwy, Sir Fynwy a’r cyffiniau. Gyda’r trydydd tymor allan nawr ar Netflix, credem mai dyma’r amser i edrych  sut y gallwch yn llythrennol gerdded yn ôl traed Otis, Eric, Maeve a’r criw.

Llandogo

Er na chaiff y pentref mae Otis yn byw ynddo ei enwi o gwbl, mae lluniau (a lleoliad y siop deuluol) yn awgrymu’n gryf mai Llandogo yn Nyffryn Gwy yw. Mae’r pentref prydferth hwn drws nesaf i Tyndyrn ac yn cynnig golygfeydd bendigedig dros Ddyffryn Gwy.

Taith gerdded fer 3 milltir o amgylch Pentref Llandogo

Cerdded, seiclo neu farchogaeth ar daith 15 milltir o amgylch Dyffryn Gwy, yn cynnwys Llandogo

Tyndyrn

Gwelir Otis ac Eric yn gyson yn croesi’r Hen Bont Reilffordd yn Nhyndyrn i fynd i’r ysgol (a gaiff mewn gwirionedd ei ffilmio 5 awr ar droed i ffwrdd ... felly mae hynny’n daith bell i’r ysgol!). Cafodd rheilffordd Dyffryn Gwy ei chau yn y 60au ond mae’r bont rheilffordd yn dal yma, yn ogystal â’r Hen Orsaf ychydig lan y dyffryn.

Croeswch y bont eich hunan ar daith iechyd 2.5 milltir

Ymweld â Thyndyrn

Cwrt Cefn Tilla

Mae Cwrt Cefn Tilla yn blasty gwledig o’r 17eg ganrif rhwng Brynbuga a Rhaglan a chafodd ei ddefnyddio yn Nhymor 2. Welsoch chi ef? Gallwch aros yno’ch hunan, rhoi cynnig ar saethu colomennod clai a physgota genwair am eog, neu briodi yma.

Aros yng Nghwrt Cefn Tilla

Bigsweir

Nid yw tŷ Aimee mewn gwirionedd yn Sir Fynwy, ond mae’n edrych drosti ar ochr Seisnig Dyffryn Gwy yn Bigsweir House, tŷ rhestredig Gradd II o’r 18fed ganrif. Mae’n gartref preifat, felly ni fedrwch alw heibio, ond byddwch yn mynd yn agos wrth i chi yrru lan Dyffryn Gwy a chroesi’r afon ym mhont Bigsweir.

Trefynwy

Mae ein tref sirol mewn gwahanol olygfeydd, yn cynnwys tŷ Eric a golygfeydd ffair ar gaeau Vauxhall.

Ymweld â Threfynwy

Mynd am dro o amgylch caeau Vauxhall

Symonds Yat

Er nad mewn gwirionedd yn Sir Fynwy, mae Symonds Yat o fewn deg munud mewn car o Drefynwy felly rydym weithiau yn hoffi ei hawlio ...Dyma ble mae chalet Jean yn edrych dros yr afon.

Canŵio o Symonds Yat i Drefynwy.

Dilyn Llwybr Cerdded Dyffryn Gwy drwy Symonds Yat, Bigsweir, Llandogo a Thyndyrn

Caerllion

Lleoliad arall nad yw yn Sir Fynwy ond yn ddigon agos i ymweld ag ef. Hen gampws y Brifysgol yng Nghaer-llion yw lleoliad Moordale High. Mae Caerllion yn hen dref Rufeinig llawn hanes a dim ond 15 munud i ffwrdd mewn car o Brynbuga neu Fagwyr.

Ymchwilio Caerllion Rufeinig

Cerdded Llwybr Dyffryn Wysg