AHNE Dyffryn Gwy

Mae afon Gwy yn llifo drwy dirwedd warchodedig Ardal o Harddwch Naturiol Eithriadol Dyffryn Gwy ar ffin Cymru a Lloegr, gydag Abaty Tyndyrn tawel yn ei chanol. Dyma fan geni twristiaeth Brydeinig yn y 18fed ganrif, gyda hyd yn oed Wordsworth yn canu clod amdano. Mae'r ffin hon wedi llunio'r tir - gyda chestyll, tyrau, abatai, trefi marchnad a threftadaeth ddiwydiannol yma ac acw ledled y dirwedd - a'r ffordd y mae pobl yn ei phrofi, gyda'i chyfuniad unigryw o ddiwylliannau Cymreig a Seisnig. Er y gall tirwedd syfrdanol Dyffryn Gwy isaf deimlo miliwn o filltiroedd i ffwrdd, dim ond ugain munud o drefi cyfagos Trefynwy a Chas-gwent ydyw ac mae'n cynnig amrywiaeth eang o weithgareddau, gan gynnwys mwynhau’r golygfeydd, canŵio, cerdded, beicio a nofio gwyllt.