Am

Caiff ffilm newydd gan Exhibition on Screen sy'n cynnwys Mary Cassatt, un o artistiaid mwyaf adnabyddus America ac un o'r Argraffiadwyr Ffrengig blaenllaw, er llai adnabyddus, ei rhyddhau a'i dangos yn Neuadd Ddrilio Cas-gwent ar Ddiwrnod Rhyngwladol y Menywod, Mawrth 8fed am 7.30pm. Mae'r sgrinio, a drefnwyd ac a gefnogwyd gan Amgueddfeydd Treftadaeth MonLife, yn dilyn ffilm boblogaidd y llynedd gan yr un cyfarwyddwr benywaidd, Ali Ray, ar Frida Kahlo ar y dyddiad arwyddocaol hwn yn y Calendr, pan fydd gwaith menywod, sy’n aml di-glod, yn gallu cael y sylw teilwng.

Gwnaeth Mary Cassatt ei gyrfa trwy beintio bywydau'r menywod o'i chwmpas. Roedd ei delweddau radical yn eu dangos fel rhai deallusol, benywaidd a real, ac roedd hyn yn newid mawr yn y ffordd roedd menywod yn ymddangos mewn celf.

Ganed Cassatt yn Pennsylvania ym 1844, ac roedd wedi byw rhan fawr o'i bywyd fel oedolyn yn Ffrainc. Roedd hi'n artist a hyfforddwyd  yn glasurol ond dewisodd ymuno â grŵp o radicaliaid Paris - yr Argraffiadwyr - mudiad a drawsnewidiodd iaith celf. Wrth gyflwyno’i phrintiau, pasteli a phaentiadau syfrdanol, mae'r ffilm hon yn ein cyflwyno i’r Argraffiadydd sy’n aml yn cael ei hanwybyddu, ac yr oedd ei gyrfa ei hun yr un mor llawn gwrth-ddweud â bywydau'r menywod a pheintiodd.

Mae curaduron ac ysgolheigion Cassatt mwyaf blaenllaw'r byd (pob un yn fenyw) yn helpu i adrodd y stori gynhyrfus hon am newid cymdeithasol a diwylliannol mawr - cyfnod pan oedd menywod yn ymladd dros eu hawliau, ac ail-ysgrifennwyd iaith celf yn llwyr.

Archebwch ar-lein yma www.drillhallchepstow.co.uk neu wrth y drws ar y noson, o 6.45pm