Golygfeydd hydrefol yn Sir Fynwy

Mae’n werth i chi ddod i weld golygfeydd yr hydref yn Nyffryn Gwy a Sir Fynwy.  Mae’r newidiadau mewn lliw yn hyfryd ac mae mannau perffaith gennym ar gyfer  medru gweld y dail yn newid eu lliw.

Dyma ein hoff fannau yn Sir Fynwy ar gyfer gwerthfawrogi’r hydref:

Nyth yr Eryr (Eagle's Nest) yn Rhan Isaf Dyffryn Gwy

Yn cynnig golygfeydd ffantastig o Ran Isaf Dyffryn Gwy a Chas-gwent, mae’n werth dringo’r 365 gris er mwyn cyrraedd  Nyth yr Eryr.

Mwy o wybodaeth am Nyth yr Eryr a sut i gyrraedd yno

Gray Hill, Wentwood

Yn codi’n uchel uwchlaw coedwig  Wentwood, mae Gray Hill yn cynnig golygfeydd heb eu hail dros  Aber yr Afon Hafren a  Gwastadeddau Gwent. Ond mae hefyd yn eich caniatáu chi edrych dros y 2,500 o erwau  Wentwood a’r lliwiau hyfryd wrth edrych dros frigau’r coed.

Rhowch gynnig ar y daith gerdded o Wentwood i Gray Hill er mwyn edrych ar yr olygfa.

Pulpud y Diafol, Tyndyrn

Tra bod Nyth yr Eryr yn edrych tua’r de, mae Pulpud y Diafol yn edrych i’r gogledd dros bentref hyfryd Tyndyrn a’r Abaty eiconig, gan ddangos lliwiau hyfryd Dyffryn Gwy.

(Nodwch os gwelwch yn dda fod y Bont Gwifrau Haearn ar gau ar hyn o bryd, sydd yn golygu eich bod - os ydych chi'n cerdded o Dyndyrn - angen mynd i’r gogledd a chroesi’r afon yn Brockweir)

Ewch am dro i Bulpud y Diafol

Y Cymin, Trefynwy

Mae’r Cymin nid yn unig yn edrych dros Drefynwy, ond ar ddiwrnod clir, rydych yn medru gweld yr holl ffordd i’r Fenni a Dinas-y-bwlch yn y Bannau Brycheiniog. Mae’n berffaith ar gyfer diwrnodau hydrefol ffres.

Ewch i ymweld â’r Cymin