Mewn lleoliad delfrydol rhwng Bannau Brycheiniog a Dyffryn Gwy, mae Sir Fynwy yn cynnig cyfoeth o weithgareddau gyda thirwedd ysblennydd yn gefndir iddi. P'un a ydych yn canŵio i lawr Afon Gwy, yn paragleidio tandem neu'n hedfan balŵn aer poeth, marchogaeth ceffylau ar lwybrau pwrpasol neu dim ond bachu rownd o golff, mae gan Sir Fynwy ddigon i'w gynnig.
A yw’n well gennych gadw'ch traed ar y ddaear? Mae digon o dir i'w archwilio ar Lwybr Cenedlaethol Clawdd Offa 177 milltir neu Lwybr Arfordir Cymru 870 milltir. (Os byddwch yn cerdded un ar ôl y llall byddwch yn cerdded eich ffordd o amgylch Cymru gyfan).
Ychydig yn fwy hawdd yw Taith Gerdded Dyffryn Gwy (136 milltir), Taith Gerdded Dyffryn Wysg (48 milltir) a Thaith y Tri Chastell (19 milltir). Ym mis Mawrth cynhelir Her Tri Chopa De Cymru dros y mynyddoedd o amgylch y Fenni, ac mae Her y Mynydd Du Mawr ym mis Mai yn cynnig dewis o lwybrau heriol yn yr un ardal.
Os nad oes eisoes gennych ormod o ddewis, mae dau o'r llwybrau pellter hir ar y Rhwydwaith Beicio Cenedlaethol yn cychwyn yng Nghas-gwent.
Am fath gwahanol o gyffro, cewch hwyl ar eich hoff geffyl yng Nghae Rasio Cas-gwent, cartref Grand National Coral Welsh, neu syllwch ar y sêr yng Ngwarchodfa Awyr Dywyll Ryngwladol gyntaf y DU ym Mharc Cenedlaethol Bannau Brycheiniog.
Os ydych yn chwilio am rywbeth mwy adferol, rhowch gynnig ar ymolchi coedwig mewn encil lles yn Nyffryn Gwy, triniaeth ymlaciol yn un o'n sbas neu ddysgwch sgil newydd ar un o'n cyrsiau.
i ychwanegu eitem i’ch basged Amserlen.
